اسلام آباد۔31جولائی (اے پی پی) وفاقی وزیر اطلاعات تے نشریات عطاءاللہ تارڑ آکھیا جو بھارت جنوبی ا??شیاء دے امن کیتے وݙا خطرہ اے، بھارت پاکستان اچ دہشت گرداں دی پشت پناہی کریندا پئے، پہلگام واقعہ دا اساں تے بے بنیاد الزام لاتا ڳیا، اساں غیر جانبدارانہ تحقیقات دی پیشکش کیتی تاں بھارت ایندا جواب ݙیوݨ دی بجائے جنگی ماحول ودھایا، بھارت پاݨی کوں ہتھیار دے طور تے استعمال کریندا پئے، پاݨی اساݙی بقاء اے، ایں تے کوئی سمجھوتہ نہ کریسوں، بیانیہ اتے سفارتی محاذ تے کامیابی اتے امن دی خواہش رکھݨ دے باوجود اساں ثابت کیتے جو اساں بلا اشتعال جارحیت دا منہ ٻھن جواب ݙیوݨ دی صلاحیت رکھیندوں، معرکہ حق دے بعد مسئلہ کشمیر عالمی سطح تے ولا زندہ تھی ڳئے ، مسئلہ کشمیر دے حل دے بغیر خطے اچ پائیدار امن ممکن نئیں۔اے ڳالھیں انہاں خمیس کوں اتھاں مقامی ہو??ل اچ انسٹیٹیوٹ آف ریجنل اسٹڈیز (آئی آر ایس) ولوں جنوبی ا??شیاء اچ امن تے پالیسی ڈائیلاگ نال خطاب کریندیں ہوئیں کیتا۔ وفاقی وزیر اطلاعات آکھیا جو اڄ دی ا??ں اہم نشست اچ شرکت میݙے کیتے باعث فخر اے۔ ایں مکالمے دے اہتمام تے انسٹیٹیوٹ آف ریجنل اسٹڈیز اتے بیکن ہاؤس سینٹر فار پالیسی ا??نڈ ریسرچ دا دلوں شکر گزار ہاں۔ انہاں آکھیا جو جݙاں تئیں جنوبی ا??شیاء اچ امن و استحکام دا تعلق اے، پاکستان دا مؤقف ہمیشہ واضح، مستقل اتے غیر مبہم رہیے۔ پاکستان ہک پرامن ملک ا?? اتے ایں ہمیشہ ایں خطے اچ استحکام، مفاہمت اتے مکالمے کوں فروغ ݙیوݨ اچ آپݨا کردار ادا کیتے۔انہاں آکھیا جو ایں خطے اچ جو وڳاڑ اساں ݙیکھدے پئیوں او بھارت اچ ودھدی ہوئی بنیاد پرستی اتے انتہاء پسندی دے نال براہ راست تناسب رکھیندے۔ ہندوتوا نظریے جینویں مقبولیت حاصل کیتی ا?? اتے جئیں انداز اچ ایندی تشہیر کیتی ویندی پئی ا?? او ایں خطے کوں درپیش ساریں توں وݙا خطرہ اے۔ انہاں آکھیا جو پاکستان امن چاہندے اتے اے ثابت وی کیتے جو اگر پاکستان تے کوئی بلا اشتعال اتے بلا جواز جنگ مسلط کیتی ڳئی تاں اساݙے کول ایندا مؤثر جواب ݙیوݨ دی صلاحیت اتے استعداد موجود اے۔ وفاقی وزیر آکھیا جو پاکستان خود دہشت گردی دا شکار رہیے، ایں جنگ اچ پاکستان نے 90 ہزار توں ودھ جاناں دا نذرانہ ݙتے، کیا دنیا دا کوئی ٻیا ملک ا?? جئیں دہشت گردی دے خلاف اتنی وݙی قیمت ادا کیتی ہو??ے؟ انہاں آکھیا جو جݙاں پاکستان تے ایہہ الزام لایا ڳیا جو پاکستان پہلگام واقعہ دا ذمہ دار اے تاں اساں آپݨا مؤقف پیش کیتا جو ہک ا??ہو جہا ملک جو خود اڄ وی انہاں ہی دہشت گرداں دے ہتھوں متاثر اے او کیویں ایہو جہے اقدامات دی پشت پناہی کر سڳدے؟ انہاں آکھیا جو نریندر مودی کݙائیں وی اتنی کمزور پوزیشن تے نہ ہا جتنا او ہݨ اے کیوں جو بھارت دی سول سوسائٹی، میڈیا، دانشور طبقہ اتے اپوزیشن ساری ا??ندی پالیسیاں تے سوال چیندے پئن جو بغیر کہیں تحقیقات دے صرف ہک واقعہ دی بنیاد تے انہاں جارحیت دا راہ چݨیا اتے پاکستان اچ معصوم شہریاں کوں نشانہ بݨایا۔ وفاقی وزیر نے آکھیا جو بیانیے دے محاذ اتے سفارتی محاذ تے کامیابی اتے امن دی خواہش رکھݨ دے باوجود اساں اے ثابت کیتا جو اساݙی امن دی خواہش کوں کمزوری نہ سمجھیا ونڄے۔وفاقی وزیر آکھیا جو پاکستان درست ویلھے تے قومی سلامتی کمیٹی دا اجلاس سݙتا اتے اے واضح سنیھا ݙتا جو پاݨی اساݙی بقاء اے، ایں تے کوئی سمجھوتہ نہ کریسوں، پاݨی دے بہاؤ کوں روکݨ یا متاثر کرݨ دی کہیں وی کوشش دا فیصلہ کن جواب ݙتا ویسی۔ انہاں آکھیا جو جنگ دے بعد دے منظر نامے کوں ݙٹھا ونڄے تاں اساں آہدوں جو اساں امن چاہندوں لیکن اے امن آپسی احترام اتے سارے تنازعات بشمول کشمیر دے حل تے مبنی ہو??ݨا چاہیدے۔ انہاں آکھیا جو بھارت معصوم کشمیریاں دے حقوق غصب نئیں کر سڳدا، اقوام متحدہ دی سلامتی کونسل دی قرارداداں دا احترام لازمی ا??۔ وفاقی وزیر آکھیا جو ایں خطے اچ امن کیتے پاکستان ہمیشہ آپݨا کردار ادا کیتا، پاکستان آندے ویلھے وی آپݨا کردار ادا کریندا رہسی اتے اڄوکی کشیدگی دنیا کوں اے باور کرا ݙتے جو اساں ہک قوم دے طور تے نہ صرف بلا اشتعال جارحیت دا جواب ݙے سڳدوں بلکہ سفارتی میدان اچ وی اساݙے کول آپݨی ڳالھ منواوݨ دی صلاحیت اتے مہارت موجود اے۔
بھارت جنوبی ایشیاء دے امن کیتے وݙا خطرہ اے، اساں ثابت کیتے جو اساں بلا اشتعال جارحیت دا منہ ٻھن جواب ݙیوݨ دی صلاحیت رکھیندوں، عطاءاللہ تارڑ
اسلام آباد۔31جولائی (اے پی پی) وفاقی وزیر اطلاعات تے نشریات عطاءاللہ تارڑ آکھیا جو بھارت جنوبی ایشیاء دے امن کیتے وݙا خطرہ اے، بھارت...
مضمون کا ماخذ : prêmios lotofácil
